Almmuhus

Almmuhus

– Dál sáhtát áfai­duvvat diibmo­bealis

Govven: Erik Johansen / NTB scanpix

Beassážat dán jagi leat oalle maŋŋit, ja stáhtameteorologa várre olbmuid beaivváža suotnjariin dál.

Almmuhuvvuon: 
Vuossárga, 15 Cuoŋománu, 2019 - 14:25
Ođastuvvon: 
Ođastuvvon: 15.04.2019 - 14:39
Fáddásánit: 

Stáhtameteorologa Geir Ottar Fagerlid muitala yr.no neahttasiiddus man garas beaivváža suotnjarat šaddet dán jagi.

Vuosttaš beassášbeaivi lea maŋŋit dán jagi, cuoŋománu 21. beaivvi.

Áramus beassášbeaivi sáhttá leat njukčamánu 22. beaivvi, ja maŋemus beaivi sáhttá leat cuoŋománu 25. beaivvi.

 

Beaivváš báitá garraset

Go buohtastahttit beaivváža teorehtalaččat árra beassášbeaivvi dainna beassášbeivviin mii sáhttá leat maŋŋelis, de oaidnit ahte beaivečuovgga erohus lea guhtta diimmu Davvi-Norggas.

Lullelis ges golbma diimmu erohus.

Beaivesuotnjarat leat garraset go beassážat leat maŋŋit, dan dihte go beaivváš lea maid badjelis almmis de. Dál lea sullii 200 watt njealjádasmehteris.

Dán jagi lea báitá beaivváš ollu garraset beassášáiggi go dábálaččat.

 

Ruvssodan gáibbi ja njuni vuolábealde

Go beassážat leat ná maŋŋit, de leat ollugat geat háliidit leat nu olu olgun go sáhttet.

Eanemus várra lea váriin ja duoddariin, ja doppe lea ge eanemus UV-suonjardeapmi. Muohta reflektere measta buot beaivváša suotnjariid.

Muohta dahká ahte mii sáhttit áfaiduvvat jođáneappot, ja dakkár sajiin gos ii leat nu dábálaš, nu go njuni ja gáibbi vuolábealde.

 

UV-dieđáhus (ekstearna neahttasiidu) lea doaimmas vaikko lea balva ja arvi. Ále dájuhuvvo vaikko lea balvái. UV-suotnjarat mannet balvvaid čađa, ja lihki maid sáhttá buollit vaikko lea balvái.

Jus lea alla UV-indeaksa, de sáhttá 30 minuhtas buollit liiki, vuoidasa haga.

 

Ovdasiiddus dál