-Almmuhus-
OĐĐASATJápminlihkohisvuohta Northern Wind hárjehallamis Ruoŧas

Jápminlihkohisvuohta Northern Wind hárjehallamis Ruoŧas

-

-

Mannan ija lei duođalaš lihkohisvuohta Nuorta Norrbottenis Northern Wind suodjalushárjehallamis. Okta nissonolmmoš jámii lihkohisvuođas, gii lei oađđime tealttas.

Lei pansrejuvvon CV 90 vuoján mii lei lihkohisvuođas ja okta olmmoš lea duođaštuvvon jápmán.

Mánnodaga beaivet duođaštuvvui ahte lei 42-jahkásaš nissonsoalddát, gii lei iežas tealttás oađđime, go soahtevovdna vujii su badjel hárjehallamis Davvi-Ruoŧas, čállá Aftonbladet.

 

Earát eai leat roasmmohuvvan, dieđiha Norgga suodjalus preassadieđáhusas.

Dáhpáhus lei diibmu 00.55 mánnodaga njukčamánu 25. beaivvi.

Dušše ruoŧŧelaččat ledje lihkohisvuođas, mii dáhpáhuvai Överkalixas.

Suodjalusa sierra sanitehtaresurssat gieđahalle dili báikkis, ja gohččo ambulánssa ja politiijaid boahtit.

Heahtedoarjja maid ceggejuvvui ja sii geat ledje lihkohisvuođas ožžot veahki báikkis.

Son gii jámii orui Jämtlánddas.

 

-Almmuhus-