Ii joatkke

Guovdageaidnulaš Johan Ailo Kalstad luohpá RiddoDuottarMuseaid stivrajođiheaddjin geassemánus, nu dieđiha ieš e-poasttas Sámediggái. 

– Mus leat dan mađe gáibideaddji doaimmat ahte in nagot stivrajođiheaddjin doaibmat dainna kapasitehtain maid oaivvildan ahte guovddáš sámi našunála ásahus nu go RDM dárbbaša. Dan dihte dieđihan ahte háliidan luohpat maŋŋel geassemánu stivračoahkkima ja bivddán Sámedikki ohcat ođđa stivrajođiheaddji, čállá Kalstad ja giitá luohttámuša ja buori ovttasbarggu ovddas.

– RDM lea hui dehálaš ásahus sámi servodagas ja lean ollu oahppan ­njealji jagis go lean leamaš stivrras. Mu mielas lea maid leamaš hui somá leat fárus ovdánahttime ásahusa, ja háliidan dan oktavuođas rámidit ­buori barggu maid RDM direktevra ja bargit lea dahkan. Dán áigodagas leat earret eará hábmen ođđa strategiija ja čađahan gáibideaddji nuppastemiid maid luohtán ahte nannejit RDM njunuš sámi vuorkadávvirásahussan boahttevaš jagiid, čállá ­Kalstad.