Almmuhus

Almmuhus

Buhtis­nieida ferte váruhit ahte ii leat kritihkalaš, báhčči ges áŋgi­ruššá

Vuorkágovva.

Dán vahku horoskohpa guoská njukčamánu 25.-31. beivviide.

Almmuhuvvuon: 
Sotnabeaivi, 24 Njukčamánu, 2019 - 08:09
Gilkorat: 
Fáddásánit: 

FIERCA

21/3-19/4

Láhttet nu mo lávet dahje it, dat lea Fiercca gažaldat.

Áidna mii dál doaibmá lea láhttet iežat láhkái.

Oažžu dadjat nie mo don lávet, njuolggočoalat, čielggas ja nu mo Fierccas leage duostilis váibmu.

Dagut čájehit eanet dál go duháha sáni.

Doaimma ja leat ge gozuid alde nu mo lávet, dalle šaddá buorre ja árvvolaš áigodat dutnje.

Geahča iežat saji obbalaččat, ja láhtte justa diená mo áiggut boahtteáiggis ge. 

 

VUOKSÁ

20/4-21/5

Heaittit boares prošeavttaid.

Gárvvis dan mii lea dárbbašlaš ja mii lea sadjosis.

Vaikke orut máŋgii beahtahallamin, itge áibbas dieđe mo ovdánit, mana liikká viidáseappot.

Doalat iežat norpmaid ja ehtalaš árvvoštallamiid jus eahpidat.

Dán vahkus dovddat ráhkesvuođadovdduid dan prošektii ja bargguid seammá láhkái go olbmuid.

Jierpmálašvuohta lea buorre ustit olles vahkku.

 

JUMEŽAT

21/5-21/6

Smiehta mahkáš ahte iđistat vuovddis olggos ja fáhkkesta oainnát vejolašvuođaid dan luonddus mii lea du ovddabealde.

Don movttiidat dahje jorbbodat.

Deháleamos lea iskat dan maid duođaid háliidat, duostat dan dahkat, vaikke orru leat issoras.

Dál lea erenoamáš buorre vahkku olbmuiguin deaivvadit ja čájehit ráhkesvuođa earáide.

Dohppe vejolašvuođa earáiguin ovttastallat, ja čájet sidjiide buorrevuođa.

 

REABBÁ

22/6-22/7

Čájet iežat máhtu ja dohppe jođiheame jus gáibiduvvo.

Ale bala bargamis dan mii du mielas lea dehálaš, jus dal ii leat ovttaoaivilvuohta earáiguin.

Háleš dan birra maid orut dovdamin.

Muitte ahte dan stuorámus viissisvuođa ja ráhkesvuođa attáldagaid gávdná Reabbá iežas váimmus.

Smiehta, don jođihat muhtin vovnna mii gáikojuvvo geaidnoráigge.

Dus lea dehálaš diehtu mii galggašii ollet ovddos.

Vaikke dat gáibida buot návccaid ja guovdilastima.

 

LEDJON

23/7-22/8

Raba vahkku stoahkamiin.

Dalle sáhtát dan duođalašvuođa fas dohppet badjelasat.

Don leat jođus sihke bajás- ja ovddosguvlui, gelddolaš ja fiinna guvlui.

Ja dárbbašat dušše dan muitit ahte leat áibbas sorjavaš sis, geaiguin leat jođus ja geainguin deaivvadat, jus áiggut čađahit dan maid háliidat.

Dan barggu mii lea dárbbašlaš galggat mielas dohppet.

Stivre skiippa jus dárbbašuvvo, ja bargga reaŋgan/biigán jus dat maid dárbbašuvvo.

 

BUHTISNIEIDA

23/8-22/9

Várut fal jáhkkimis ahte earát leat seamma go don.

Várut maiddái ahte it geahča earáid kritihkalaččat.

Du bargu ii leat veahkehit earáid muitalit mo šaddat buorebun, muhto baicce láhčit dan láhkái mo dat ieža háliidit.

Divtte earáid bargat nu mo ieža háliidit ja don fas barggat dan maid ieš hálidat.

Galggat leat šiega iežat birrasiin, ja mearrediđolaš ja doaimmalaš daguinat.

Dalle doaibmá vahkku du mielas bajimus árvosániin. 

 

VIEHKAT

23/9-22/10

Nuo vai ná, dat lea Viehkaga váldofáddá dán vahkus.

Vuhtii váldde earáid bargguid, dahje bargat nu mo ieš háliidat? Viehkaga mielas lea dát muhtinin árvádus.

Vuhtii váldde earáid iežat dihtii.

Daga nu mo ieš háliidat, go dat sisttisdoallá earáid vuhtii váldit.

Boađusin dás lea ahte áddegoađát buorebut ja buorebut mii dutnje lea buoremus, ja maiddái earáide.

Jáhke dal dan maid jáhkášet … ja Viehkat sáhttá … jus lea dáhttu.

 

SKORPIUVDNA

23/10-21/11

Dovddat iežat.

Čájet dan maid duođaid liikot, vaikke muhtimin orru leamen issoras.

Skorpiuvnnaide lea gelddolaš bargu dán vahkus čájehit ahte sii maid leat hearkkit.

Dat dagaha sin nannoseabbon ja unnit hearkin.

Manne, jo danin go Skorpiuvnna ballu lea ahte earát oidnet sin headjuvuođaid.

Dasa lea álkkes čoavddus.

Ale čiegat daid.

Nannoseamos leat sii geat eai bala čájeheames headjuvuođa.

 

BÁHČČI

22/11-21/12

Dál govdagoahtá áŋgiruššan ja inspirašuvdna.

Ja jus ii, de sáhttá leat áibbas nuppeláhkái ja seavdnjatvuohta fátmmasta du.

Mo dal jo leaš, de lea buoremus čuožžut nannámis ja doppe viežžat čuovgasa.

Ale luohte kártii, muhto baicce guora ovddos.

Menddo sakka čuovggas dahje seavdnjat dagaha váttisvuođa oaidnit čielgasit.

Danin fertet ge guorrat dovddu mielde ja dan duohta fysalaš dilálašvuođa. Lihkku mátkái.

 

BÁKTEBOHKKÁ

22/12-19/1

Jus leat várrečohkas, de boađe vulos.

Dát vahkku lea dás go Báktebohkká galgá earáiguin ovttastallat.

Ii fal čeahpibun ja buorebun, dahje badjeleappos ja gievrrabun.

Muhto dan seamma go mii buohkat earát, dat dábálaš olbmot.

Ale geahččal leat dábáleabbo go earát ge. Juogat jurdagiid ja dovdduid earáiguin.

Čájet siskkáldas dovdduid, ja luohte dasa mas lea árvu.

Dalle šaddá vahku erenoamáš romantihkalaš, hutkái ja addevaš.

 

ČÁHCEOLMMÁI

20/1-18/2

Gos du ruoktu lea? Lea go dat viessu, bargu, muhtin olbmot? Iskka mat iežat siste gos du ruoktu lea, ja de oainne man somá friddjavuohta lea.

Doppe gos sáhtát dadjat dan maid jurddašat ja čájehit maid anát árvvus, dat lea Čáhceolbmáid ruoktu.

Muitte maiddái, mađi eanet friddjavuohta dus lea, dađi unnit dárbbašat dan.

Mađi eanet friddjavuođa oaččut ja attát earáide, dađi unnit friddjavuođa dárbbašat.

 

GUOLIT

19/2-20/3

Dál lea áigi dahkat juoga.

Jus áiggut ovdánit máilmmis ja bargat dan mat leat plánas.

Dál ii ábut dušše ráhkkanit ja hállat dan birra.

Dál lea áigi dahkat juoga.

Dat sáhttá leat vaikke smávva dahje stuorát áššit maiddái.

Daga dan maid ovdal it leat bargan.

Rasttil rájáid.

Geahča mii geavvá go geahččalat lávket oadjebas dili olggobeallái.

Dat sáhttá čájehuvvot leat oalle oadjebassan, ja olu suohttaseabbon go jáhkket.
 

Ovdasiiddus dál