-Almmuhus-
OĐĐASATGávdnan guokte duššan olbmo muohtauđđasis

Gávdnan guokte duššan olbmo muohtauđđasis

-

-

Guokte stuora ráhkadusvuojána gevve uđđasii Oarjjelij Foaldas Durmålstinden lahka distaga beaivet, ja ohcanakšuvdna álggahuvvui.

Guokte olbmo geat leigga stuora ráhkadusvuojániiguin Oarjjelij Foalda suohkanis, ja geavaiga muohtauđđasii. 

 

– Leat gávdnan juoidá uđđasis ja galgat dál roggagoahtit, lohká Nordlándda politiijaguovllu veagahoavda Bent Are Eilertsen. 

Politiijat dieđihedje distaga maŋŋelgaskabeaivvi ahte leat gávdnan guokte olbmo duššan uđđasis.

 

Politiijat eai jáhke eambbogiid geavvan uđđasii. Sii várrejit olbmuid vuodjimis uđđasa lahka go báikkis lea olu muohta mii sáhttá luoitit ja fierrat.

Gádjunakšuvnnas girde helikopteriin uđasbáikái.

Durmålstinden lea oassin Sulitjelma-váriin. Uđas lea birrasiid 200 mehtera govdat.

 

Váldogádjunguovddáš gohčču olbmuid čuovvut mielde varsom.no siiddus gos gávdná dieđuid uđasvára birra Ofuohtas, Sálttus, Svartisenis ja Helgelánddas. Dál čájeha ahte lea hui alla uđasvárra dain guovlluin.

(©NTB)

 

 

 

-Almmuhus-