Vuosttaš beanavuodjingilvaleaddji gii ollii Guovdageidnui, oaččui luhka várresátnejođiheaddjis.
Vuosttaš beanavuoddji gii ollii beanaráidduin Guovdageidnui lei Ronny Frydenlund. Son ollii Báktehárjji lusa guđa áigge lávvordatiđit. Nubbin lei Arnt Ola Skjerve.
Guovdageainnu várresátnejođiheaddji Anders S. Buljo válddii vuostá Frydenlunda ja attii sutnje luhka man duodjehárjehalli Inga Marja E N Gaino lea gorron Duodjeinstituhtas. Su oahpaheaddji luhkkagoarrumis lea Ellen Marit S Oskal.
Buljo lohká beanavuoddji ollen Guovdageidnui ovdal go dálkkáskii ja gulai ahte lei fiinna mátkki ja beatnagat ruhtte bures.
Njunnošis
Vuosttaš beanaráiddut leat ruohtastan Guovdageainnus Jergula guvlui lávvordaga iđđedis. Ovdalaš diibmu 10.30 lávvordaga de oidno ahte lea John Erik Eriksen gii lea ovddemusas Storneassa ja Gievdneguoikka gaskkas.
Dađistaga oidno GPS-dieđuin ahte rievddada jođánit gii ain lea njunnošis. Leat John Erik Eriksen, Torkil Hansen, Petter Jahnsen geat lonohallet leat njunnošis go leat olleme Láhpoluobbalii.
Steinar Kristensen lea lávvordaga diibmu 11.20:s ain vuoiŋŋasteame beatnagiiguin Báktehárjji luhtte Guovdageainnus.
