Almmuhus

Almmuhus

Pelle Njoammil ihtá fas

Beaivváža Pelle Njoammil veahka leat olles leahtuin ráhkkaneame beassášvahkkui. Govven: Aslak Mikal Mienna

Beaivváš Sámi Našunálateáhter lea gearggus ođđa mánáidbihtáin mas lea vuosttaščájálmas beassášvahkku.

Almmuhuvvuon: 
Duorastat, 14 Njukčamánu, 2019 - 14:16
Ođastuvvon: 
Ođastuvvon: 15.03.2019 - 09:12
Fáddásánit: 

 «Pelle Njoammil lea dat njoammil guhte lea simpulan guhkit áiggi Sámis. Go mánát ahkidit, de sii rohttestit Pelle Njoammila luođi ja de son iđista! Muhto eai rávisolbmot jáhke diesa, eai ge báljo masage maid Risten Iŋgá oaidná Sáttomiellis.

Pelle Njoammil:

Čálli: Karen Anne Buljo

Dramaturga: Anitta Suikkari

Bagadallit: Lars Göran Pettersson ja Anitta Suikkari

Neavttárat: Anja Bongo Bjørnstad (Pelle Njoammil), Sarakka Gaup (Risten Iŋgá), Mary Sarre, Egil Keskitalo, Iŋgor Ántte Áilu Gaup, Nils Henrik Buljo

Šuokŋadahkki: Roger Ludvigsen

Lávdehábmejeaddji: Ole Thomas D. Nilut

Bivttahábmejeaddji: Ann Majbritt Eriksen

Čuovgahábmejeaddji: Olav Johan Eira

Bagadallanveahkki ja koreográfa: Marte Fjellheim Sarre

Goziheaddji: Rawdna Carita Eira

Goarrut: Sara Ellen Anne B. Eira, Susanne Bæhr, Gerlinde Thiessen

Lávdedávvirduojárat: Gerlinde Thiessen, Ole Thomas D. Nilut

Buvttadusteknihkárat: Ole Thomas D. Nilut, Jan Cato Nilut, Bernt Roger Somby, Svein Egil Oskal, Olav Johan Eira

Sáttomielli eallin lea girjái. Dál lea fas Pelle Njoammil ihtán Sáttomiellái, juste fal danne go gulai iežas luođi.

Manne son Risten Iŋgá dán háve lea juoiggastan Pelle Njoammila?» čállá Beaivváš Sámi Našunálateáhter bihttá birra preassadieđáhusas.

 

Ođđa Pelle Njoammil muitalus

Sámi Našunálateáhter Beaivváš lea fas buvttadeame bearaščájálmasa ja dat lea áibbas ođđa muitalus Pelle Njoammila birra.


Anja Bongo Bjørnstad neaktá Pelle Njoammila. Govven: Aslak Mikal Mienna

– Mii illudit čájehit «Pelle Njoammil ja Sáttomielli searat» čájálmasa, mii heive sihke mánáide ja rávisolbmuide, ja man álgočájálmas lea beassážiid, Guovdageainnus, čállá Beaivváš Sámi Našunálateáhter preassadieđáhusas.

Ođđa muitalusa Pelle Njoammila birra lea Karen Anne Buljo čállán, ja son lea ge maid čállán daid ovddit Pelle Njoammil-muitalusaid.

Ovttas Anitta Suikkariin leaba heivehan muitalusa teáhterlávdái.

 

Álgočájálmas lea Guovdageainnu kulturviesus cuoŋománu 17.b. dii 18.

 


Sarakka Gaup neaktá Risten Iŋggá. Govven: Aslak Mikal Mienna

 

Ovdasiiddus dál