Almmuhus

Almmuhus

Ávžžuha garvit bohccuid

Romssa fylkkas bivdet olbmuid garvit bohccuid. Bohccot govas eai gula dán áššái. Čájáhusgovva: Lise Åserud/NTB Scanpix

Molsašuddi dálkkit hástalit boazoguohtuma Romssas, danin ávžžuhuvvojit olbmot vánddardit várrogasat bohccuid lahkosis. 

Almmuhuvvuon: 
Bearjadat, 8 Njukčamánu, 2019 - 13:45
Fáddásánit: 

Romssa fylkkas leat leamaš molsašuddi dálkkit ja dat váikkuhit boazoguohtumii.

– Muhtin áigodagaid leamaš nu bivval ahte arvá, ja de borgá olu ja fáhkkestaga leat buollašat. Dát váikkuha boazodollui. Mii oaidnit ahte bohccot eai leat šat čoahkis ja ahte bahkkejit sajiide gos eai láve dán muttos áigge guohtut, čilge Romssa ja Finnmárkku Fylkkamánni boazodoalu fágaovddasvástideaddji Øystein Ballari ja ávžžuha olbmuid garvit bohccuid. 

– Bohccot vigget mearragáttiide ja olbmot dáidet vuohttit bohccuid guovlluin gos muđui eai oainne daid. Mii ávžžuhit olbmuid garvit bohccuid ja atnit beatnagiid gitta, lohká Ballari.

Ovdasiiddus dál