-Almmuhus-
-Almmuhus-
-Almmuhus-
OĐĐASATVuorjan niibbiin, narkotihkka ja riedja

Vuorjan niibbiin, narkotihkka ja riedja

-

-

Politiijat dieđihit mii mannan ija lea dáhpáhuvvan.

Máŋga dáhpáhusa Girkonjárggas:

Politiijat leat váldán gitta vihtta dievddu geat leat badjelaš 20-jahkásaččat, okta dievdu gii lea badjelaš 30-jahkásaš ja okta dievdu gii lea badjelaš 40-jahkásaš. Politiijat válde sin gitta dainna ákkain ahte leat rihkkon narkotihkkalága.

– Politiijat leat luoitán dievdduid mannat fas, muhto fertejit vuordit sáhku go leat geavahan dahje vurkkodan vehá narkotihkaid, dieđihit politiijat Twitteris.

 

Bearjadateahkedis diibmu 20, vižže politiijat muhtin 26-jahkásaš dievddu dan politiijalágavuođus ahte son lea gárrendilis vuorjan almmolašbáikkis go lea niibbiin váccašan guovddážis.

 

Politiijat leat dolvon vuolleahkásaš nieidda gii lea 16-jahkásaš, ruoktot váhnemiid lusa go lei feasttas leamaš guovddášbáikki lahka.

Politiijat ožžot ollu cavgilemiid ahte dan báikkis lea dávjá riedja ja gárrenolbmot.

 

Álttás:

29-jahkásaš dievdu lea ožžon dieđu guođđit guovddášbáikki, ii ge oaččo dihttot fas ovdal áramusat diibmu gávccis iđđedis go ii leat nu čábbát láhtten go lei gávpogis gárrenoaivvis.

 

Čáhcesullos:

Politiijat leat váldán gitta golbma ruoššadievddu go galget  leat suoládan muhtin fitnodagas bearjadateahkeda. Dievddut leat 22, 32 ja 33 jagi boarrásat. 

Politiijat dutket ášši.

 

-Almmuhus-