-Almmuhus-
-Almmuhus-
-Almmuhus-
KULTUVRALágidit noaiddástallamis vuođđokursa 

Lágidit noaiddástallamis vuođđokursa 

-

-

It dárbbaš leahkit noaidi vai sáhtát rumbbuin ­dearpat, oahpahallat noaiddástallanvugiid dahje čuovvut šamanisttalaš vuođđokurssa man Sjamanistisk Forbund lagida Hámmerfeasttas.

Lágideaddji čilge ahte šamanisttalaš vuođđokursa lea earenoamážit heivehuvvon sidjiide geain váilu ja lea unnán máhttu noaiddástallamis, ja sidjiide geat háliidit noaiddástallama bokte oahppat vugiid movt veahkehit iežaset ­dahje earáid.

Kursa lea maiddái vuođđun beassat čuovvut eará kurssaid maid Sjamanistisk Forbund lágida. 

 

Noaiddástallan čadnon luondduipmárdussii

Noaiddástallan lea vuoiŋŋalaš oktavuohta sihke alcces ja visot dasa mii luonddus lea.

Noaidi sáhttá veahkehit olbmuid gávdnat sihke rumašlaš ja vuoiŋŋalaš ráfi iežas siste.

Noaidi atná iešguđetlágan guvlláruššanvugiid dalle go rahpá ja lágida bassi bottoža olbmuide geain dárbu lea oanehaččat diktit orrut iežaset olgguldas vuordá­mušaid ja gávdnat ráfi ­iežaset siste.

Dán čállá lágideaddji preassadieđáhusas.

 

 

Golmma beaivvis oahppá ollu

Lágideaddjit čilgejit ahte oanehis áiggis beasat oahppat šamanismma vuođu birra.

– Oahpa golmma ilmmi birra ja mii daid gaskkas lea. Movt dalle lea go lea davvin, lullin, oarjin dahje nuortan. Oahpásmuvat iežat vuoiŋŋalaš vehkiide ja makkár vuoimmit sáhttet leahkit elliid hámi bokte. Oahpat movt de lea go rahpat ­galgá bassi bottoža ja movt seremoniijabargguid lágiida, čállá lágideaddji.

 

Maid dárbbahat 

Sjamanistisk Forbundas lea hárjánan kursalágideaddji kurssa oktavuođas.

Ieš válddát mielde rumbbu dahje eará skilanasa, árkkaid ja ivdnebliánttaid, gokčasa ja oađđadagaid, ja vel liinni maid bijat čalmmiid ovdii.

-Almmuhus-