«Mu vuosttaš luopmu» TV-ráiddu nuppi áigodaga vuosttaš oasis beassat fas oaidnit guokte sápmelačča.
Oasážis, mii lea oidnogoahtán juo TV:s, oidnoba guovdageaidnulaččat Jo Magne Hætta ja Aslak Ole Skum.
Soai mátkkošteaba Karibiai ja oasážis oidnoba ráhkkaneame mátkái, mátkkošteame ja vuojadeame mearas.
TV-ráidu «Min første ferie» (Mu vuosttaš luopmu) oidnogoahtá fas ođđajagemánu 7. beaivvi TV 2:žis, diibmu 20.00.
Luohti orru gullome
Oasážis orru luohti maiddái gullome. Hætta dat rohttesta luođi go lea čázevuollái buokčalan ja buokčalanrusttegat vel alde.
«Mu vuosttaš luopmu» TV-ráiddus oidnuiga mannan jagi sámi nissonguovttos Sara Ellen Anne Buljo Eira ja Marie Louise Hætta Lantto.