Dás logat mannan ija dáhpáhusain Finnmárkku politiijaguovllus.
Mannan ija leat politiijat dieđihan dušše guokte dáhpáhusa, goappašagat galget geavvan Hammerfeasttas.
Gohččon ruoktot mannat
Diibmu 02.30 šadde politiijat gohččut muhtin lagabui 30-jahkásaš albmá guođđit Hammerfeastta gávpotguovddáža, go oaivvildedje su leat menddo gárremin.
Dakka maŋŋil, diibmu 02.45, ožžo politiijat dieđu nuppi gárren olbmo birra.
Muhtin guđátlot-jahkásaš almmái galgá oainnat leamašan badjelmeare gárremin ja váccašan muhtin ássaguovllus Hammerfeasttas.
– Almmái ii deaivan ruoktot. Politiijat veahkehedje su, čállet politiijat twitteris.