Go Stállonjárgga orohagas, Romssas, gávdne vihtta bohcco gottáhallan geatkái, de sii ohce vajot báhčinlobi báhčit geatkki.
Sii ožžo Romssa fylkkamánnis vahkku áigi báhčit dan geatkki.
Báiki gosa geatki manai buvttii sidjiide hástalusáid.
Vai galggai buorre vejolašvuohta báhčit geatkki, de sii ohce sierralobi mohtorjohtolatlágas beassat skuteriin geatkki bivdit.
Dainna čuožžiilii hástalus, go guovlu gos geatki lei, doppe ledje duháha priváhta eananbihtá. Dan oktavuođas sii šaddet oažžut lobi guđesge gean eatnama mielde áigot vuodjit, ja dasa nogai bivdu. Dan čállá nrk.no/troms
Leaŋgáviikka suohkana ráđđeaddi dadja NRK:i ahte son lea dál maŋŋel gulastan ahte eai lean soaitit buohkain dárbbahit oažžut lobi vuodjit doppe, muhto sáddet čállosa dušše gos dieđihit ahte áigot vuodjit.
