Almmuhus

Almmuhus

Fárre lulás čiekčat

Hans Nordby lea fárreme lulas čiekčat. Govven: Robert Ulven Kvålshagen/ HamKam spábbačiekččan joavku

Hans Nordby lea álgán HamKam A-jovkui čiekčin. Sus leat 140 čiekčama Romssa, TIL, njunušjoavkkus. HamKam valáštallanjođiheaddji Espen Olsen lea hui duhtavaš.

Almmuhuvvuon: 
Duorastat, 24 Ođđajagimánu, 2019 - 09:22
Fáddásánit: 

Nu lohká valáštallanjođiheaddji Espen Olsen HamKam neahttasiidui.

– Go Hans álgá min jovkui, de lea ollu rutiidna ja leahttu mii lea vuordámušas. Hans lea čiekčán 140 čiekčama TIL ovddas Eliteligas ja sus lea vásáhus Eurohpáligas maid. Nordbys livččii maid leamas vejolašvuohta joatkit Eliteligas, muhto vállje min lusa boahtit. Dat mearkkaša ahte mii leat bargan juoidá riekta. Mii leat ilus ja rápmásat go leat nagodan geasuhit su boahtit čiekčat HamKam jovkui. Nordby lea čilgen ahte lea somás prošeakta, ja dat lei ággan sutnje boahtit min searvái, dadjá valáštallanjođiheaddji Espen Olsen.

 

Galledan HamKam joavkku

Hans Nordby muitala HamKam neahttasiidui ná: 

– Ledjen Hamaris ovddit vahkku finadeame ja geahččame dili ja orron liikome dasa. Dovddan ge Gaute Helstrupa ovdalaččas ja lean čiekčan Thomas Lehne Olseniin ovdal TILijoavkkus. Soai leaba sakka rámpon HamKam joavkku ja dan birrasa. Dál illudan oaidnit Thomasa fas ja oažžut su fas HamKam jovkui, mojohallá son. 

Nordby lea vuolláičállán šiehtadusa 2020 rádjái

– Lean hupman ollu Espeniin ja Gautiin makkár plánat leat HamKam jovkui, ja dat orru mu mielas hui gelddolaš prošeakta masa dál searvvan. Lea maid daddjon ahte Briskeby Stadion lea fiinnis ja sávan ahte bohtet ollu geahččit čiekčamiidda. Mun illudan maid oahpásnuvvat joavkkuin ja valáštallagoahtit. 

 

Vuosttaš geardde fárre lulás

Hans Nordby ii leat olggobealde Davvi- Norgga orron ovdal ja lei hállu fárret lulás.

– in leat orron olgobealde Davvi-Norgga ja mus lei hui hállu fárret lulás. Dát fálaldat lei hui buorre vejolašvuođa fárret Hamarii. Ledje maiddái joavkkut mearragáttis geat čájehedje beroštumi munnje, muhto mii háliideimmet vuolgit lagabui Oslo.

 

 

 

 

Ovdasiiddus dál