Almmuhus

Almmuhus

Dan vahku horo­skohpa

Čájáhusgovva

Dán vahku horoskohpa guoská ođđajagimánu 7. beaivvis gitta 13. beáivái.

Almmuhuvvuon: 
Sotnabeaivi, 6 Ođđajagimánu, 2019 - 11:59
Gilkorat: 
Fáddásánit: 

FIERCA

21/3-19/4

Doarrun ja fápmoplanehta lea dál dán násttis ja dat mearkkaša dutnje alvvalaš álggu ođđa jagis.

Dus lea dalle dat veahkki man dárbbašat gearggahit doaimmaid mat leat guhká veallán, muhto dat maid sáhttá dagahit du mášoheapmin, ja dan dihtii šattat erdui it ge nákce smiehttat jierpmálaččat. 

Danin leage dál hálddašeap­mi hui dehálaš.

Barggus dahje skuvllas rievdaduvvo agenda vuorddekeahttá ja das gáibiduvvo ahte fertet iežat heivehit dasa vai hálddašat daid ođđa hástalusaid.

 

VUOKSÁ

20/4-21/5

Ođđa jagis lea iešovddideapmi guovddážis, mas lea hástalus ahte boares «duohtavuođat» ja oadjebasvuođadárbbut ja stáđisvuohta eai heađuš dohppemis ođđa doaimmaid ja guorramis ođđa luottaid.

Ráhkesvuođaplanehta váikkuha lagašvuođa ja rahpá ođđa ustitvuođaid.

Muđui lea dál vuogas áigi čiekŋudahttit oahpásnuvvamiid ja oažžut daid lagat ja eanet intiima dássái.

 

JUMEŽAT

21/5-21/6

Dál lea vuogas áigi ovttasbargguide, muhto hástalusat čuožžilit go earáiguin juogadat maidige, das lea jierpmálaččat válljet soabadit ovdal go čuoččuhit iežat oaiviliid.

Muhto lihkkoplanehta vaikkuha maiddái lagaš oktavuođa ja addá positiiva ja olmmošaddjái­vuođa mii vaikkuha sihke guoibmái ja skihpáriidda.

Barggus lea álki šaddat menddo sosiálan, ja dat čuohcá du bargo­dillái.

 

REABBÁ

22/6-22/7

Duohtavuođa ja duođalaš planehta ivdne du deaivvadeami máilm­mis, ja álkit oainnát dilis daid váivves beliid.

Soaitá don fertet botket daid boares áddejumiid dahje gaskavuođaid vai joavddat viidáseappot eallimis.

Dál háliidat bargat iežat vuogi mielde, muhto jus vuovnnain čađahat, de heađuštat oažžumis dan doarjaga maid dárbbašat.

Dál lea vuogas smiehttat dearvvašvuođa ­birra, muhto liikká lea álki lossut.

 

LEDJON

23/7-22/8

Don leat hutkái ja duhkoraddalas, ja sihke romantihkka ja ovttastallamat leat maid vuordagis dán ođđa jagis.

Ruovttus dahje bearrašis vásihat ráfi ja oadjebasvuođa, ja dál lea vuogas áigi háleštit áššiid birra.

Barggut ja rutiidnadoaimmat dovdojit losibun dál go muđui.

Jus gearggahat áššiid ja váld­dát daid duođalaččat, de sáhtát vuođu bidjat máŋgga áššái vai beasat viidá­seappot.

 

BUHTISNIEIDA

23/8-22/9

Ruoktu ja bearaš vaikkuhuvvo planehtas mas lea liige­návccat ja mokta dan ođđa jahkái.

Dat dieđiha ovdáneami ja áŋgiruššama, mas sáhttá leat sihke bearašlassáneapmi, fárren dahje náitaleapmi.

Muhto dán jagi gal sáhttá ovddasvástádus ja duođalaš­vuohta goastidit hutkáivuođa, duhkoraddama, ovttastallama ja erotihka, ­muitte illudit smávva áššiid badjel ale ge gáibit menddo ollu alddát.

 

VIEHKAT

23/9-22/10

Don doaimmahat movttegit máŋgga guovllus, doppe maid viiddidat fieskki, ja leat maid jierpmá­laččat gáibidahtti.

Sáhttet maid jurdagat jorrat duohkut deike, nu ahte geargga vuos ovttain áššiin.

Don johtilit earduduvvot ja hárdašuvat jus oktage vuosttalda.

Jus smiehtastat moddii ovdal go heaŋgasit duššiide, de garv­vát máŋga dárbbašmeahttun riiiddu.

 

SKORPIUVDNA

23/10-21/11

Don háliidat johtilit geargat áššiiguin, barggus dahje skuvllas, ja barggat maid njuovžilit, muhto sáhtát maid leat mášoheapmi ja fertet geahččalit leat diplomáhtalaš.

Optimism­ma ja liigefámuid planehta váikkuha dili ekonomalaččat dán ođđa jagis.

Ruhtadilli buorrána, ja vejolašvuođat ihtet, nu ahte dál it galgga vajálduhttit dan fásta lotto-kupoŋŋa.

 

BÁHČČI

22/11-21/12

Lihkkoplanehta váikkuha ođđa jagi álggu.

Dat addá dutnje iešdovddu ja movtta maid dárbbašat dahkat daid mearrádusaid maidda ovdal lei ballu, ja oasit eallimis gahččet sadjái.

Muhto ruhtadiliin ražat, dahje hálddašat dan nu duođalaččat ja leat várrugas.

Don sáhtát deaivi­dit vuostemiela dahje gáibádusa, muhto jus geatnegasvuođaid válddát duođalaččat, de oidno ovdáneapmi ruhtadilis.

 

BÁKTEBOHKKÁ

22/12-19/1

Ollu planehtat násttis dagahit hušas álggu ođđa jagis.

Don dovddat ahte fámut badjánit ja oaččut ođđa movtta, dan seammás válddát iežat ja gaskavuođa duođaleabbon go muđui.

Dat dagaha ahte eahpidat earáid ja leat sidjiide pessimisttalaš vuordá­mušat, nu ahte fuolat doalahit moji ja luoitil olggiid sosiála oktavuođas.

Ruovt­tus gearggat vaikke maid bargat, muhto ale vajálduhte earáiguin ráđđádallat.

 

ČÁHCEOLMMÁI

20/1-18/2

Don čuovggat liekkusvuođain mii addá olbmuide luohtte­vašvuođa ja dainna maid sáhtát ovddiduvvot.

Muhto de šattat mášo­heapmin lagašbirrasis ja dajat áššiid basti­labbot go oaivvildat.

Juoga maid leat čiega­dan boahtá albmosii.

Dat sáhttá dagahit ahte fidnet áššiid geargat maid guhká leat maŋidan dahje masa ledjet juo massán jáhku, jus dohppet dan liibba.

 

GUOLIT

19/2-20/3

Lihkkoplanehta vaikkuha sihke bargui ja karrierii, ja danin oainnát movttain boahtteáiggi ja lea maid iešdovdu dahkat mearrádusa daid áššiin mas ovdal lávet ballat.

Dat sáhttá šaddat nu ahte don botket dan masa leat oadjebas ja barggat baicce dan maid leat niegadan.

Ruhtadilis mannet áššit johtilit ja jurdilkeahttá, ja vejolaš riidduin sáhttá gánnihit soahpat beallemuddui ovdal go čuoččuhit gáibádusaid.
 

Ovdasiiddus dál