Dál lea fas ođđa eanandoalloministtar Norggas, ovddit ministtar ii ollen doaibmat eará go vihtta mánu.
Olgešbellodat, Ovddadusbellodat, Gurutbellodat ja Risttalaš Álbmotbellodat leat ásahan ráđđehusovttasbarggu. Dan oktavuođas de leat maid moadde stáhtaráđi guođđán saji ja maid ođđa stáhtaráđi nammaduvvon.
Eanandoallo- ja biebmodepartementa leat maid molson eret Bård Hoksruda stáhtaráđi poasttas.
Dál lea das ođđa ministtar, Risttalaš Álbmotbellodaga stuoradiggeáirras Olaug Bollestad.
Sus lea buohccedivššároahppu, ja lea maid doaibman Stavanger universitehtabuohcceviesu jođiheaddjin.
Bollestad lea maid leamaš Gjesdal suohkana sátnejođiheaddji 2007:s gitta 2013 rádjái.
Hoksrud doaimmai vihtta mánu eanandoalloministtarin, ja son bekkii hui olu 2011:s go galggai oastán seksuála bálvalusaid go lei Rigas mátkkis.
