Arja Helene Fjellheim Mortensson lea 12 artistta searvvis geat leat evttohuvvon vuoitit bálkkašumi dán jagáš buoremus davviriikkalaš skearru ovddas, skearruin «Mojhtestasse – Cultural Heirlooms».
Hyundai Nordic Music Prize daddjo leat Davviriikkaid deháleamos musihkkabálkkašumiid searvvis, ja dat juhkko by:Larm festiválas, mii lea guovvamánu 28. beaivvis njukčamánu 2. beaivái Oslos.
lbmil bálkkašumiin lea nannet artisttaid oktavuođaid Davviriikkain, ja addo artisttaide geat leat skearru almmuhan mannan jagi. Mortenssona skearrus lea luohti guovddážis.
Jury čilge ahte leat árvalan su skearru Mortenssona earenoamáš jiena geažil, minimalisttalaš ja akusttalaš buvttadeamis.
Muđui leat dát artisttat árvaluvvon vuoitin: Bisse (Danmárku), Soho Rezanejad (Danmárku), Jori Hulkkonen (Suopma), Karina (Suopma), Astrid Sonne (Suopma), GDRN (Islánda), GYDA (Islánda), Lil Halima (Norga), Sarah Klang (Ruoŧŧa), Robyn (Ruoŧŧa) ja Jenny Wilson (Ruoŧŧa).
(Gáldu: NRK)