-Almmuhus-
KULTUVRASáhkku ja dološ sámi breahttaspealut

Sáhkku ja dološ sámi breahttaspealut

-

-

Guovdageainnu álbmotgirjerájus oažžu guossin Daabloe-Sámi Board Games joavk­ku Mikkel Berg-Nordlie skábma­mánu 28. beaivvi, dieđihit sii iežaset facebook-siiddus.

Dalle besset olbmot boahtit speallat Sáhkku ja eará dološ sámi ­breahttaspealuid gaskal dii. 17.30-22.00.

Berg- Nordlie muitala maiddái spealuid historjjá birra ja oahpaha speallat ­daiguin, ja maŋŋel šaddá friddja speallan.
Spealut mat sus leat mielde leat Sáhkku, Tablut ja Dablo.

 

Máŋga variántta

Sáhkku spealus leat máŋga variántta; Máze-, Lágesvuotna- ja Ráisasáhkku.

Berg- Nordlie lea johttán maŋemus ­áiggiid ollu báikkiin ja oahpahan spea­luid birra ja fállan speallaneahkediid.

 

Romssas maiddái speallaneahket

Romssas oahpaha ges Helen Murray Dablo ja Lágesvuotnasáhkku seamma beaivvi, diibmu 19.00- 21.30 rádjái.

Dat lea Tvibit nammasaš báikkis ja lea Sámi Studeantasearvi Davvi-Norggas, NTNU Decolonial Research Group ja Gáisi Giellaguovddáš geat lágiidit speallan­eahkeda.

-Almmuhus-