FeFo leat stivračoahkkimis mearridan maid heaittihit ovttasbargošiehtadusa Norgga bivdo- ja guolástanlihtuin (NJFF)
Sii eai oainne ávki dan ovttasbargošiehtadusas, ja danin maid heaittihit dan.
Šiehtadus álggahuvvui 2014:s dan oktavuođas go FeFo bealis oidne dan ahte máŋgga sajis ledje NJFF:s ja FeFos oktasaš beroštumiid.
Oassi ovttasbargošiehtadusas lei ahte gulahallat njuolga nubbi nuppiin, ovttasbargat ja čoavdit gaskavuođaid ovttas.
Earret eará čoavdit áššiid main gaskavuođat čuožžilit gulahallamiin ja čoahkkimiid bokte.
Áššeovdanbuktimis cuiggoda FeFo direktevra, Jan Olli, NJFF go váiddii Suohkan- ja ođásmáhttindepartementii FeFo gieđahallama smávvafuođđobivddu oktavuođas, nu eai gulahallan FeFoin.
Dan ášši vuođul ii oainne FeFo direktevra ovttabargošiehtadusas ávkki, ja evttohii heaittihit šiehtadusa.
FeFo stivra doahttalii dan ja heaittihedje šiehtadusa.
