-Almmuhus-
-Almmuhus-
-Almmuhus-
OĐĐASATČohkkejedje eanet ruđa go goassege ovdal

Čohkkejedje eanet ruđa go goassege ovdal

-

-

Circle K čohkkii masá 4,75 miljovnna ruvnnu Rosa sløyfe čižžeborasdávdda áŋggirdeapmái, ja dá lea ođđa olahus. 

Olles golggotmánu leat Circle K bensiidnastašuvnnat čohkken ruđaid Rosa sløyfe áŋggirdeapmái.

Sii skeŋkejit lagabui 4,75 miljovnna ruvnnu Borasdávdasearvái ja Čižžeborasdávdasearvái. 

– Mii leat masá 23 miljovnna ruvnnu čoaggán Rosa-sløyfe áŋggirdeapmái dan rájes go álggiimet dainna čieža jagi áigi. Dán jagi olahit ođđa olahusa, ja dat lea erenomáš somá. Mii dieđusge háliidit giitit iežamet gávppašeddjiid geat leat dorjon áŋggirdeami, lohká Circle K Norgga hoavda Christoffer Sundby preassadieđáhusas. 

Dán jagi geavahuvvo ruhta dutkat váttuid mat čuožžilit maŋŋel čižžeborasdávdadivššu.

Circle K lea čohkken ruđa sihke biilabassama, káfe, čázi, biilalásesáibbu ja šelggona bokte.

-Almmuhus-