Namma: Svein Birger Olsen
Ahki: 69
Guovlu: Luopmobáikkis Gjerdrumas
Namma: Svein Birger Olsen
Ahki: 69
Guovlu: Luopmobáikkis Gjerdrumas
1. Movt gohčodit go lottiin váldá dolggiid eret?
– Dat lea dolget. BOASTUT!
Rievttes vástádus: Gaskit
2. Guhte dain spábbačiekčanjoavkkuin lea dávjjimusat vuoitán La Liga (alimus divišuvdna spánskka spábbačiekčamis)? FC Barcelona, Real Madrid vai Valencia CF?
– Logan FC Barcelona lea vuoitán dávjjimusat. BOASTUT!
Rievttes vástádus: Real Madrid.
3. Galle diimmu oađđá elefánta jándoris?
– Elefánta oađđá goit unnán, varra 8 diimmu. BOASTUT!
Rievttes vástádus: 2 diimmu.
Svein Birger ii máhttán golbma gažaldaga álgovuorus ja ii mana viidáseappot liigegažaldagaide. Son beassá vel árvádusa geahččalit vástidit.
Árvádusain sáhttá oažžut 5, 10 dahje 15 čuoggá. Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.
Árvádusas lea minuhtta jurddašanáigi.
Svein Birger vállje alida ja dá lea sutnje árvádus:
Mii lea dat maid it oainne, muhto lea álo du ovddabealde?
– Diekkár luvrras gažaldat. Dat lea áigi, boahtteáigi. RIEKTA!
Galle čuoggá oktiibuot: 10
Juohke gilvaleaddji beassá hástalit ođđa gilvaleaddji Ávvira geassegilvui, ja Svein Birger hástala Ann-Jorid Henriksena.
