Namma: Maajja-Krihke Bransfjell
Ahki: 18
Guovlu: Prahke
Namma: Maajja-Krihke Bransfjell
Ahki: 18
Guovlu: Prahke
1. Gos lea Sofia Jannok eret?
– Gironis? BOASTUT!
Rievttes vástádus: Váhčiris
2. Mii lea Skånland sámegillii?
– Skánit! RIEKTA!
3. Man allat lea Eiffeltoardna Pariissas oktan anteannaiguin?
– Vuoi… 266 mehtera? Ii, lea olu guhkit. 324 mehtera! RIEKTA!
Maajja-Krihke máhtii vástidit guovtti dain golmma gažaldagain álgovuorus, muhto ii mana viidáseappot liigegažaldagaide. Son beassá aŋkke geahččalit árvádusa vástidit.
Árvádusain sáhttá oažžut 5, 10 dahje 15 čuoggá. Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.
– In boađe máhttit dán, muhto válljen ruoksada.
Maajja-Krihke vállje rukses ja váddáseamos árvádusa:
Don searvvat maratonviehkamii. Juste ovddabeale moala viegat nummar guvtteža meattá. Galládin don boađát de?
– Na, go don viegat nummár guovtti meaddel, de boađát ieš nubbin. RIEKTA!
Galle čuoggá oktiibuot: 17
Juohke gilvaleaddji beassá hástalit ođđa gilvaleaddji Ávvira geassegilvui.
Maajja-Krihke hástala Jenny-Krihke Bendiksen.
