Fylkkadoavttir Finnmárkkus lea ceggen bearráigeahččoášši Čáhcesullo suohkana vuostá maŋŋel goddima mii dáhpáhuvai suoidnemánus.
Fylkkadoavttir Finnmárkkus lea ceggen bearráigeahččoášši Čáhcesullo suohkana vuostá maŋŋel goddima mii dáhpáhuvai suoidnemánus.
Jearaldat lea leago áššáiduhtton 17-jahkásaš ožžon dohkálaš dearvvasvuođafálaldaga, dieđiha NTB.
Suohkana dearvvasvuođafálaldat, sihke ovdal ja maŋŋel galgá dutkojuvvot.
Fylkkadoavttir dadjá ahte soaitá áššáigullevaš maid geahččat mánáidsuodjalusalága ja sosiálabálvaluslága.
Várresátnejođiheaddji Otto Strand dadjá ahte suohkan ferte oahppat dáhpáhusas.
– De lea ortnegis ahte olgguldasat sáhttet guorahallat dan mii lea dáhpáhuvvan, ja addit midjiide ráđi ja árvvoštallat gieđahallama.
