Ávvira oaggungilvu lea bistán njeallje vahkku ja 4. vahkku vuoiti Guollelihkku-luohkás lea Mihkkal Máhtte Bongo Eira.
Ávvira oaggungilvu lea bistán njeallje vahkku ja 4. vahkku vuoiti Guollelihkku-luohkás lea Mihkkal Máhtte Bongo Eira.
Mihkkal Máhtte Bongo Eira lea 9 jagi boaris. Son lea searvan Ávvira oaggungilvui stuorra hávggain man gottii Guovdageainnueanus.
– Dál lea buorre dovdu. Lei somá vuoitit! lohká Mihkkal Máhtte. Son láve viššal oaggut, sihke mearas, eanus, ja dálvet nai jieŋa alde.
– Hávga dettii 6 kilo. Lei lahka gátti nu ahte ii lean menddo váttis dan oažžut gáddái, muitala Mihkkal Máhtte.
Son gottii hávgga bastevuokkain, namalassii Wobbler-vuokkain.
Ávvir sávvá olu lihkku Mihkkal Máhttii!
EARÁ OASSELASTIT :
Ávvira oaggungilvu bistá gitta borgemánu 5. beaivái diibmu 24.00 rádjai.
Gilvvus leat guokte luohká, Luossagonagas- dahje dronnet, gosa ollesolbmot sáhttet searvat luosaiguin. Váldovuoitu dán gilvvus lea 5000 ruvnno árvosaš skeaŋkakoarta, man vuorbádit buot oassálastiid gaskkas.
Nubbi luohkká, «Guollelihkku», lea ges mánáid várás. Váldovuoitu dás lea 1500 ruvnno árvosaš skeaŋkakoarta man vuorbádat buot oasseváldiid gaskkas. Dán luohkás vuorbádat maid oaggunstákku vahkkosaččat, sin gaskkas geat dan vahkus leat oassálastán.
Mannan vahkus ii searvan oktage rávis olbmuid luohkkái, danne eat leat das vuorbádan vuoiti.
