Kritihkalaš unnán vuođđočáhci.
Kritihkalaš unnán vuođđočáhci.
– Dát ii leat dábálaš, ii galggaše ná unnán dál, lohká NVE sekšuvdnahoavda Herve Colleuille yr.no neahttasiidui.
Kárttat, mat čájehit vuođđočáhcedási miehtá Norgga, čájehit issoras gova.
Nordlánddas lulás lea vuollin, dahje hui vuollin dássi. Báhkkadálkkit leat dan dili dagahan.
Dat sáhttá maid mielddisbuktit divrasit el-rávnnji, boanddaide ii leat doarvái čáhci ja jogat goiket. Dasa lassin lea dál stuora buollinvárra, goike eatnama dihte.
Stádameteorologa Kristian Gislefoss lohká yr.no neahttasiidui ahte Lulli-Norggas lei geassemánu unnit arvi go dábálaččat.
