-Almmuhus-
-Almmuhus-
-Almmuhus-
OĐĐASATAin vejolaš ohcat alit ohppui

Ain vejolaš ohcat alit ohppui

-

-

Norgga Arktálaš Universitehta senior­ráđđeaddi Inger Elin Kristina Utsi ávžžuha studeanttaid dakkaviđe ohcat daid rabas oahposajiide, go lea garra gilvu daid alde.

Dál lea vuosttaš sisaváldin alit ohppuide válmmas ja olu studeanttat leat duhtavaččat go leat beassan dan ohppui masa lei áigumuš beassat sisa.  Dađibahábut eai leat buohkat beassan ohppuide masa leat ohcan dahje eai leat geargan ohcat ovdal ohcanáige­mearri dievai. Bearjadaga iđđes rabai  Samordnaopptak vejolašvuođa ohcat ohppuide gos ain leat rabas sajit. Duorastaga suoidnemánu 19. beaivve Samordnaopptak  alm­muhii oahpposajiid masa lea ain vejolaš studeanttaide ain ohcat dán čakčii. 

 

Garra gilvu oahpusajiide

UiT Norgga Árktalaš Universitehta seniorráđđeaddi Inger Elin Kristina Utsi lohká, ahte jus it leat ožžon oahpposaji,  de lea áidna vejolašvuohta geahččalit ohcat doppe gos ain leat rabas oahposajit.

– Leat dihto oahput masa lea garra sisabeassan ja árvosáni­gáibádusat nugo doavttirohppuide, bátnedoavttirohppuide, buohcci­divssár­ohppuide ja maiddái oahpaheaddjiohppuide, nu ahte lea hui olu oahput masa lea gilvu beassat sisa. Jus ii leat beassan sisa, de ferte dál geahččalit ohcat daid ohpuide mat leat dál rabas, dadjá  UiT seniorráđđeaddi Inger Elin Kristina Utsi.

 

Ávžžuha dákkavide ohcat

UiT seniorráđđeaddi Utsi ávžžuha stuđeanttaid dákkaviđe ohcat rabas ohpuide go rahppo vejolaš­vuohta dasa.

– Ozas dakkaviđe, nu jođánit go vejolaš. Dohko lea maid gilvu beassat ja oažžut saji, loahpa­ha seniorráđđeaddi Inger Elin Kristina Utsi.

 

-Almmuhus-