Okta olmmoš duššái johtolagas Davvi-Norggas miessemánus. Lihkohisvuohta lei Áhkánjárgga davábealde, E6 luottas.
Lei 51 jahkásaš dievdu gii vujii biillain, go beaškkehii nuppiin biillain Trældaltunneallas Nordlánddas, dieđiha Stáda geaidnodoaimmahat preassadieđáhusas.
Dán jagi miessemánu rádjái leat Nordlánddas duššan golmmas, Romssas guovttis, ja Finnmárkkus ii leat okta ge duššan johtolagas.
Viđas leat duššan Davvi-Norgga johtolagas dán jagi. Lea okta eanet go diibmá seamma áiggi.
Gaskamearálaččat leat guđas massán heakkaset johtolagas maŋemus viđa jagis Davvi-Norggas dan viđa vuosttaš mánu jagis.
