40 jagi boares vuogádat galgá ođastuvvot. Dat álkida biilaoastima ja -vuovdima.
40 jagi boares vuogádat galgá ođastuvvot. Dat álkida biilaoastima ja -vuovdima.
Autosys lea dihtovuogádaga namma masa fievrrut leat registrerejuvvon. Dat vuogádat lea doaibman dál 40 jagi, ja go dál ođastuvvo, de álkida biilla oastin- ja vuovdinproseassa.
Go lea ođastuvvon, de galgá sáhttit eaiggáda rievdadit ja muđui visot eará dieđuid rievdadit elektrovnnalaččat.
Dalle ii galgga šat dárbbašit Stáda geaidnodoaimmahaga stašuvdnii šat vuolgit, dieđiha johtalusministtar Ketil Solvik-Olsen (Ovddádusbellodat).
– Ođđa vuogádat seastá servodaga, biilavuvdiid ja -geavaheddjiid resurssaid, cealká son.
– Nanne sihkarvuođa
Dát čoavddus boahtá atnui 3000 fitnodagaide ja 7000 geavaheddjiide, dieđiha Johtalusdepartemeanta. Stáda geaidnodoaimmahat lea árvvoštallan ahte ávkeárvu sáhttá leat 1,6 miljárdda ruvnno.
– Čoavddus álkida áššemeannudeami, dagaha ahte buohkat meannuduvvojit seamma ládje. Čoavddus nanne sihkarvuođa, ja eastada verrošeami, seammás go álkida registrerema, cealká departemeanta preassadieđáhusas.
(©NTB)