-Almmuhus-
OĐĐASATVujii orru goallosjorri njeaiga

Vujii orru goallosjorri njeaiga

-

-

Kárášjogas ribahii muhtun vuoras nisu vuodjit goallosjorri njeaiga mii lei nuppi biilla maŋis. 

Politiijat čállet Twitteris diibmu 15:45, ahte soames lea personbiillain vuodján goallosjorri njeaiga ja ovtta olbmo leat dolvon dearvvašvuođaguovddážii iskkadeapmái.

 

Nissona dolvo dearvvašvuođaguovddážii

Finnmárkku politiijaguovllus muitala operašuvdnajođiheaddji, Bjørn Tormod Syversen, ahte dearvvašvuođaguovddážii dolvo vuoras nissona gii vujii goallosjorri njeaiga, muhto son  ii leat bahuid roasmmohuvvan.

– Son lea mu dieđuid mielde leamaš iskkadeamis Kárášjoga dearvvašvuođaguovddážis. Lea veahá skáidnašuvvan. Nubbi biilavuoddji ii dárbbašan doaktára lusa, muitala Syversen.

 

Eai várot gárrenoaivvis vuodján

Ávvir lei bákkis bealguđa áigge, go gádjunbiila lei viežžame biilla, mii lei dan mađe bahuid roakčanan, ahte dainna ii sáhttán šat vuodjit.

Politiijat báikkis sáhtte muitalit ahte biila, mas lei goallosjori maŋis, lei bisánan, go nubbi biila beaškkehii goallosjorri njeaiga.

Politiijat eai várot gárrenoaivvis vuodján goappáge biilavuoddji.

-Almmuhus-