Stáhtaministtar Erna Solberg čalmmustahtii Kvenaidbeaivvi bearjadaga Álttás. Lea vuosttasgeardde go oktage stáhtaministtar oasálastá dákkár doaluin.
Stáhtaministtar Erna Solberg čalmmustahtii Kvenaidbeaivvi bearjadaga Álttás. Lea vuosttasgeardde go oktage stáhtaministtar oasálastá dákkár doaluin.
Njukčamánu 16. beaivvi ávvuduvvui kvenaid beaivi máŋgga sajis Norggas. Álttás rabai stáhtaministtar Erna Solberg ávvudoaluid Álttá museas.
Solberg háleštii kvenasearvvi jođiheddjiin ja namuhii man dehálaš lea muitit unnitálbmogiid Norggas. Son maid namuhii ahte kvenat leat unnitálbmot geat leat ássan guhkimusat Norggas ja lea dehálaš gávdnat vugiid mo bisuhit kvenagiela.
Sullii 120 olbmo ledje čoahkkanan museai guldalit stáhtaministara lihkusávaldagaid kvenaide. Kvenaidsearvi lei duhtavaš go stáhta čalmmustahtii kvenaidbeaivvi.
