Petter Karlsson joavddai ovddemuš molii maŋŋit bearjadat eahkeda ja vuittii Finnmarksløpet guhkimus gilvvuid mii lea 1200 kilomehtera guhku.
Petter Karlsson joavddai ovddemuš molii maŋŋit bearjadat eahkeda ja vuittii Finnmarksløpet guhkimus gilvvuid mii lea 1200 kilomehtera guhku.
Birgitte Næss gii lei guhká nubbin, vujii Petter Karlsson meattá moadde kilomehtera ovdalaš Joatka.
Petter Karlsson lei šaddan bisánit go guokte beatnaga darvánedje oktii. Máŋgasat gádde Karlsona vuoittáhallat go šattai orustit olles diimmu ja 52 minuhta.
Muhto Karlson doabai fas Næssa ja šuvihii su meattá Álttá joga alde ja nu vuittii ge Finnmarksløpeta.
Finnmarksløpet lea maid Norggameašttirgilvvut ja danin vuittii ge Birgitte Næss maid golli, ja šattai norggameašttirin, son lea oasálastán njeallje háve ja nuppes vuodján nuppi sadjái. Junior luohkás vuittii sámi gánda Ole Henrik Isaksen Eira.
