NKD, mii galggai juo lágiduvvot guovvamánu 10. beaivvi Guovdageainnus, muhto šattai maŋiduvvot, galgá dál viimmat lágiduvvot.
NKD, mii galggai juo lágiduvvot guovvamánu 10. beaivvi Guovdageainnus, muhto šattai maŋiduvvot, galgá dál viimmat lágiduvvot.
NKD lea deaivvadanbáiki nuoraide ja kultuvrii, gos nuorat hutket diŋggaid fárrolaga. Dáppe sáhtát čájehit juoidá masa liikot, dahje veahkehit earáid oidnot.
NKD:s ii leat rádji maid sáhtat bargat, muhto addá nuoraide vejolašvuođa bargat dan masa liikojit.
Lágiduvvo Guovdageainnus
14 nuora leat gergosat čájehit iežaset dáidagiid, juogo dáiddačájáhusaid, musihka, lávluma, dánsuma dahje filmma bokte lávddis go NKD viimmat lágiduvvo Guovdageainnus lávvordaga, guovvamánu 24. beaivvi Báktehárjjis.
Guoimmuheapmi DJ bokte bottus
Bottus ja loahpas čuojaha Aqqaluk Berthelsen, Ruonáeatnamis eret. Son lea DJ Igloo musihkkabuvttadeaddji, ja čuojaha hip-hop musihka.
Nuoraidskuvlla 9A luohkká leat lágideaddjit dán jagi ja sis lea maiddái kafea doppe.
