FeFo čađaha álbmotčoahkkimiid, webinara ja neahtta-iskkadeami Finnmárkku smávvafuođđobivddu gulaskuddamis.
FeFo čađaha álbmotčoahkkimiid, webinara ja neahtta-iskkadeami Finnmárkku smávvafuođđobivddu gulaskuddamis.
FeFo sádde dál gulaskuddamii evttohusaid rievdadit Finnmárkkuopmodaga smávvafuođđobivddu njuolggadusaid.
Sii bovdejit olbmuid buktit evttohusaid ja mearkkašumiid.
– Smávvafuođđobivdu lea deaŧalaš oallugiidda fylkka vuoigatvuođalaččain ja gallededdjiide. Mii sávvat stuora beroštumi, lohká meahccehálddašeaddji Christina Bjørkli.
FeFo doallá álbmotčoahkkimiid
Fáttát leat vuođđuduvvon, maŋemus jagiid bivdohálddašeapmái, geavaheddjiid oainnuide ja evttohusaide, ja bohtosiidda evalueremis maid FeFo čađahii 2017:s smávvafuođđobivddu birra Finnmárkkus.
FeFo doallá álbmotčoahkkimiid Finnmárkkuopmodaga smávvafuođđobivddu birra Girkonjárggas, Deanu šalddis, Guovdageainnus, Ávanuoris, Goahtečorus Ákŋoluovttas, Álttás ja Leavnnjas.
Gulaskuddamis leat čuovvovaš fáttát:
1. FeFo áigu jahkásaččat árvvoštallat man alla bivdodeattu galgá leat lobálaš ovdal go bisseha rievssatbivddu.
2. Bivdodeattu mudden–muddet fylkka ja báikkálaš ássiid logu mat besset bivdit iešguhtetge bivdoguovllus.
3. FeFo sáhttá álggahit áigodateari juohke fuođđonállái.
4. FeFo sáhttá álggahit ortnega mas vuorbáda beaivekoarttaid bivdit smávvafuođđuid Finnmárkkuopmodagas.
5. Beaivekoarta galgá gustot dušše bivdoguvlui mii čuožžu bivdokoarttas.
6. Skuvlaoahppit, studeanttat ja sii geat leat vuosttaš geardde militearabálvalusas Finnmárkkus galget ain rehkenastot ássin gielddas gos studerejit dahje leat militearabálvalusas.
7. Bivdokoarttaid vuovdin álgá maŋŋil go náli hivvodat lea meroštallon.
8. FeFo sáhttá vuovdit bivdokoarttaid iešguhtetge fuođđonáliide.
9. FeFo joatká gárdunlobi Finnmárkku ássiide.
10. FeFo joatká virolaš giđđaloddema Guovdageainnu gielddas.
11. Bivdoguovlorájit muddejuvvojit ovttasráđiid geavaheddjiiguin, mas vuhtii váldet árbevirolaš máhtu.
12. FeFo sáhttá muddet luovosbeatnagiid geavaheami smávvafuođđobivddus earenoamážit boazodoalloguovlluin maidda čuohcá earenoamážit.
13. FeFo heaittiha obbalaš gildosa ahte ii sáhte bivdit lagabus go 300 mehtera eret bissehuvvon fievrrus vuovdebiilaluottaid guoras goahccevuovdeguovlluin Kárášjogas ja Mátta-Várjjagis.
Mearridit geassemánus
– Dasa lassin čađahit mii neahttaiskkadeami ja webinára gulaskuddanáiggis gos jerrojuvvo ja vástiduvvo duohtaáiggis. Lea deaŧalaš ahte nu oallugat go vejolaš besset dadjat maid áigot, lohká meahcceossodaga jođiheaddji, Einar J. Asbjørnsen .
FeFo stivra mearrida ođđa njuolggadusaid geassemánu dán jagi.
