Sosiála media Facebook lea maŋŋel ođđajagi rievdadallan iežas algoritmmaid. Dál cealká alimus hoavda Mark Zuckerberg ahte báikkálaš ođđasat vuoruhuvvojit.
Sosiála media Facebook lea maŋŋel ođđajagi rievdadallan iežas algoritmmaid. Dál cealká alimus hoavda Mark Zuckerberg ahte báikkálaš ođđasat vuoruhuvvojit.
Zuckerberg cealká Facebookas ahte mihttu rievdademiiguin lea ahte sosiála media ii galgga dušše suohtas, muhto maiddái buorre čálgui ja servodahkii.
Vuos dusse USA:s
Dássážii lea Facebook juo dieđihan ahte olbmáid ja bearraša čállosat vuoruhuvvojit, ovdalii go fitnodagaid ja eará siidduid.
Geavaheaddjit galget maid beassat sirret makkár ođasgáldut leat jáhkehahtti gáldut.
– Dál lea min ođđa rievdadeapmi ahte báikkálaš gálduid ođđasat vuoruhuvvojit, čállá Zuckerberg mánnodaga.
Rievdadeapmi dáhpáhuvvá vuos USA:s, muhto sii áigot oažžut dán eará riikkaide maid.
– Dehálaččat
– Báikkálaš ođđasat veahkehit min ipmirdit makkár áššit leat dehálaččat báikegottiide ja mat váikkuhit min eallima, joatká Facebook-hoavda. Son lohká ožžon dan ipmárdusa lohkkiin ahte háliidit eambbo báikkálaš áššiid.
(©NTB)
