Norgga journalisttat geavahit Facebook eambbo go ohcet ođđasiid, čájeha ođđa iskkadeapmi. Eanaš eará riikkain fas lea nuppe láhkai.
Norgga journalisttat geavahit Facebook eambbo go ohcet ođđasiid, čájeha ođđa iskkadeapmi. Eanaš eará riikkain fas lea nuppe láhkai.
75 proseantta journalisttain dán jagi journalistaiskkadeamis dieđihedje ahte gávdne ođđasiid Facebookas, čállá Medier24.
Dasto čuvvot eambbo árbevirolaš vuogit, nu go njálmmálaččat (69 proseantta), oktavuođat (59 proseantta) ja preassadieđáhusat (55 proseantta).
Sivva manin journalisttat nu olu geavahit Facebook sáhttá leat go lea deaddu áigemearis, oažžut doarvái čuovvolemiid ja deaddu buvttadit.
Gielis ođđasat váikkuhit
Sosiála mediaid geavaheapmi lea liikká njiedjan eanaš sajiin gos iskkadeapmi lea iskan.
Dat sáhttá leat sivvan go «gielis ođđasiid» jurdda lea ožžon eambbo coavcci, juoga mii čuohcá mediaid luohttevašvuhtii ja ballu ahte almmuhit gielis ođđasiid, oaivvilda Daniel Molvær Vázquez, Content & Social Media Manager Mynewsdeskas.
Norggas fas leat journalisttat geavahan sosiála mediaid eambbo gávdnat ođđasiid. Sivva sáhttá leat ahte mii veahá leat vásihan gielis ođđasiid.
80 proseantta Norgga journalisttain iskkadeamis dovddastedje iežaset vuorjašuvvan go Facebookas lea nu olu fápmu ođasgovas.
(©NTB)
