Gurutbellodaga jođiheaddji Trine Skei Grande bijai mannan vahkku miellaláhkegova Stuorradikkis. Máret Ánne Sara dáiddavuostálastinakšuvnna ovddageahčen govas ráhkada reakšuvnnaid.
Gurutbellodaga jođiheaddji Trine Skei Grande bijai mannan vahkku miellaláhkegova Stuorradikkis. Máret Ánne Sara dáiddavuostálastinakšuvnna ovddageahčen govas ráhkada reakšuvnnaid.
Lea dáiddaprošeakta «Pile o’ Sápmi», mas leat 400 bohccooaivvi, mat maid oidnojit gova ovdageahčen.
Prošeakta lea NRK dieđuid vuođul vuostálastinakšuvdna stáhta vuostá, ja boazosápmelačča Jovsset Ánte Sara oktavuođas, mii lei Alimusrievttis mannan vahkku.
Heahpat go ii fuobmá
Danby Choi, Subjekt redaktevra ja Aftenpostena dáiddaárvvoštalli, oaivvilda ahte lea eaddudahtti go Grande ii namut akšuvnna govvateavsttas.
– Dát lea dáiddalaš vuostálastin mas lea sámiid vuoigatvuođain sáhka. Lea njulgejuvvon stáhta vuostá ja sidjiide geat čohkkájit stuorradikkis. Dalle lea vuosttažettiin heahpat go stuorradiggeáirras ja parlamentáralaš jođiheaddji ii fuobmá dan, muitala Choi NRK:i.
Ii lean iešdáhtus
Stáhta háliida ahte son galgá beliin unnidit iežas ealu, muhto sutnje mearkkašit dat ahte ferte heaitit boazodoalus.
Trine Skei Grande preassaoktavuohta, Jan Christian Kolstø, dadjá NRK:i ahte Gurutbellodaga jođiheaddji diđii man govvii, muhto ii lean dáiddaprošeakta mii lea gova váldofáddá.
– Áigumuš lei čájehit miellalági. Go dáiddačájáhus bođii govvii, ii lean gal iešdáhtus. Ii lean makkárge politihkalaš jurdda dainna, muitala Kolstø.
(©NTB)
