Meroštallet sullii 23.000 tonna ruskkaid Barentsábi botnis, muitala dutki mearradutkaninstituhtas. Leat eanaš guolástanreaiddut.
Meroštallet sullii 23.000 tonna ruskkaid Barentsábi botnis, muitala dutki mearradutkaninstituhtas. Leat eanaš guolástanreaiddut.
Ođđa almmuheamis maid vuođđokártenbargoprošeakta MAREANO lea filbmen mearabotnis, boahtá ovdan ahte leat sullii 100 miljovnna stuorát ja smávit ruskat Barentsábi botnis.
Oktiibuot leat meroštallan 23 000 tonna ruskkaid. Ruskat leat sihke suorbmafáhcat, láiggit, juhkamuškartoŋgat ja plástaseahkat.
– Mii oaidnit čielgasit ahte leat čoagganan olu ruskat muhtinlágan eanádagaide mearabotnis. Ruskat leat erenoamážit čiekŋalasas vágiin ja skurččuin mat eai fievrreduvvo rávnnji mielde, muitala mearradutkaninstituhta dutki Lene Buhl-Mortensen.
Olu billašuvvan oaggunreaiddut
Maiddái guovlluin gos olusat oggot, leat dutkit gávdnan olu ruskkaid mearabotnis, olu leat billašuvvan oaggunreaiddut.
Muhtin guovlluin mearkkašii mearradutkaninstituhtta 6000 ruska juohke kvadráhtakilomehteris.
– Jus buohtastahttit de lea dábálaš dahkat 230 áicama juohke kvadráhtakilomehteris nannánjuolgiduovddanis Eurohpás, muitala Buhl-Mortensen.
(NTB)
