Norggas leat olu bivdit ja čájehuvvo ahte Davvi-Trøndelágas bivdá juohke logát olmmoš ja Finnmárkkus leat 6300 registrerejuvvon bivdi. Leat eambbo nuorat ja nissonat maiddái searvan bivdduide, čállá If dáhkádusfitnodat preassadieđáhusas.
Norggas leat olu bivdit ja čájehuvvo ahte Davvi-Trøndelágas bivdá juohke logát olmmoš ja Finnmárkkus leat 6300 registrerejuvvon bivdi. Leat eambbo nuorat ja nissonat maiddái searvan bivdduide, čállá If dáhkádusfitnodat preassadieđáhusas.
Norggas lea guhkes árbevierru bivdit ja dat lea šaddan maid bivnnuhis áigegollun sihke nuoraide ja rávisolbmuide, dievdduide ja nissonolbmuide.
If lea čađahan ođđa dutkama mii čájeha ahte Davvi-Trøndelágas, Finnmárkkus ja Hedemárkkus leat eanemus bivdit Norggas. Unnimus lohku lea Oslos.
Buot agiin
Statistihkalaš guovddášdoaimmahaga loguid mielde leat 142 100 bivdi Norggas.
– Bivdit leat buot agiin ja dál leat eanet nissonolbmot vel mielde bivdojoavkkuin. Lea buorre go ožžot nuoraid mielde bivdui, nu ahte Norgga boares bivdoárbevierru seailluhuvvo, lohká IF dáhkádusfitnodaga Ole Lislebø, gii ieš maid lea áŋgiris bivdi.
Stuora oassi sis leat juste dál bivddus, bivdime ealggaid, gottiid ja rievssahiid.
– Eanas bivdiin dán áigge leat bivdodávvirat logiid duháhiid ruvnno ovddas. Earret bissu, de leat dávjá bivdorádio, GPS beatnagii, giikan ja vel eará rusttegat. Eatnasat leat dáhkádusa háhkan bissui, muhto eai fal eará dávviriidda. Mii leat háliidan álkidahttit dan, nu ahte leat ráhkadan sierra bivdodáhkádusa, mii gokčá buot bivdodávviriid vaikko gos máilmmis livččet, lohká Lislebø If dáhkádusfitnodagas.
Bivdet olgoriikas
Olu bivdit bivdet Norggas, muhto leat oallugat geat mannet olgoriikii bivdit. Bivnnuhis olgoriikabivddut leat earret eará vildaspiidnebivdu Eurohpás ja ealgabivdu Kanadas.
– Dássážii leat bivdit šaddan dáhkádusa oastit juohke ovtta dávvirii, muhto dan eai leat ollugat dahkan. Viessodávvirdáhkádus gokčá muhtin oasi bivdodávviriin jus leat ruovttubáikkis ja mátkkoštandáhkádus ges jus leat mátkkis. Dat goitge eai govčča buot ja dan dihte lea ge áigi ahte lea sierra bivdodáhkádus mii gokčá eanas oasi dávviriin, gos dal ihkenassii máilmmis leat, lohká Ole Lislebø If preassadieđáhusas.
