Buollinčaskadeaddjit leat časkadeamen biilabuollima Gievdneguoikkas.
Finnmárkku 110-guovddáš dieđiha lávvardaga ovdalaš diibmu 10 ahte Guovdageainnu buollinčaskadeaddjit leat mannan časkadit biilabuollima Gievdneguoikka luoddaearus Guovdageainnu suohkanis.
– Biila mii lea buollimin ii leat registrerejuvvon, lohká Finnmárkku politiijaguovllu operašuvdnajođiheaddji Jan Arne Pettersen iFinnmarkii.
Eai lean olbmot biillas
110-guovddážas vuorrojođiheaddji ges muitala seamma áviisii ahte eai leat leamaš olbmot biilla luhtte dahje dan siste, muhto ahte buollin diehtu lea boahtán soapmásis guhte vujii báikki meaddel.
Politiijat muitalit iežaset áigut dutkat ášši go de biila čoasku.
