Golbma nissona leat áššáiduvvon maŋŋel politiijaakšuvnna Romssas. Golbma nissonolbmo leat vuovdán eará nissoniid seksuála bálvalusaid, ruvvejeaddji fálaldaga bokte. Máŋgasat leat dál dutkamiid vuolde.
Golbma nissona leat áššáiduvvon maŋŋel politiijaakšuvnna Romssas. Golbma nissonolbmo leat vuovdán eará nissoniid seksuála bálvalusaid, ruvvejeaddji fálaldaga bokte. Máŋgasat leat dál dutkamiid vuolde.
Politiijat leat dutkama oktavuođas fitnan máŋga dálus gaskavahku Romssa guovddážis.
Golbma nissona leat váldon giddagassii ja leat áššáiduvvon nisuvuovdaleaddji doaimmain ráŋggáštuslága paragráfa 315 vuođul, dieđiha Romssa politiijaguovlu.
– Mii oaččuimet duođaštuvvot daid kundariid ovdal go akšuneriimet, dadjá politiijabearráigeahčči Yngve Myrvoll NTB:i.
Dutkan giđa rájes
Politiijat leat 2017 giđa rájes bargagoahtán ulbmillaččat guorahallat birrasa go leat váruhan ruvvedanfálaldagaid bokte geavvan prostituerema.
– Romssa politiijat leat maŋimuš áiggi bargan ulbmillaččat muhtin konkrehta olbmuid- ja čujuhusaid vuostá, gos navdojuvvo leat nisuvuovdaleaddji doaimmat ja gos gaskkustit prostitušuvnna. Otne leat mii burgán máŋga dálu ja leat dutkan máŋga vihtana áššis ja golmmas leat áššáiduvvon ja biddjon giddagassii, muitalii Myrvoll NTB:ii gaskavahko.
Sáhttet leat rašis dilálašvuođas
Politiijabearráigeahčči lasiha vel ahte vihtanat, geat leat vuovdán seksuála bálvalusaid, sáhttet leat rašis eallindilálašvuođas.
Politiijat dutket ahte leat go nissonolbmot vuovdán iežaset iešdáhtos vai lei go sin eallindilálašvuohta mii lea sivvan dasa.
(©NTB)