Sámediggi lágida sámi girjjálašvuođabeivviid Diehtosiiddas gosa bovdejit buohkaid. Dáppe beassá earret eará gullat ođđa girječálli Saia Stueng, gii lea čállán girjji «Hamburgerprinseassa».
Sámediggi lágida sámi girjjálašvuođabeivviid Diehtosiiddas gosa bovdejit buohkaid. Dáppe beassá earret eará gullat ođđa girječálli Saia Stueng, gii lea čállán girjji «Hamburgerprinseassa».
Sámedikki girjerájus bovde sámi girjjálašvuođabeivviide, mat leat Diehtosiiddas Guovdageainnus gaskavahku ja duorastaga čakčamánu 27. ja 28. beaivvi.
Doalut álget gaskavahku diibmu 11.00 ja loahpahuvvojit duorastaga diibmu 14.30.
Ođđa girječálli logaldallá
Gaskavahkku sáhttá earret eará vuolgit gullat go ođđa girječálli, Saia Stueng, logaldallá. Son lea čállán girjji «Hamburgerprinseassa».
Maiddái Sara Margrethe Oskal logaldallá, fáddá lea «Muitalanárbevierru ođđa muitalanvugiin».
Leat vel olu eará sáhkavuorut ja logaldallamat ovdal go loahpahuvvo mállásiiguin diibmu 18.00.
Girjjálašvuođa beaivvit jotket
Duorastaga jotket girjjálašvuođabeaivvit.
Diibmu ovccis iđđes álggaha Brita Pollan logaldallama mas lea fáddá «Nugo okta sápmelaš lea muitalan nuppi sápmelažžii». Dasto joatká Siri Gaski gii muitala oktasaš sámi bibliografiija birra.
Dasto jotket sáhkavuorut ja logaldallamat dassážii go loahpahuvvo diibmu 14.30.
Rabas buohkaide
Girjjálašvuođabeaivvit leat rabas buohkaide.
Ollislaš prográmma gávnnat Sámedikki neahttasiiddus dahje Sámi girjjálašvuođabeivviid Facebook-siiddus.
