-Almmuhus-
OĐĐASATRávvagat dutnje gii álggát geassebargui

Rávvagat dutnje gii álggát geassebargui

-

-

Geassi lea dat áigi go olu nuorat ožžot vuosttaš bargovásáhusa eallimis. Dása leat čohkken ovcci neavvaga dutnje gii galggat geassebargui.

Suoidnemánnu rahpasa fargga ja de álget olu nuorat geassebargguide.

Oallugiidda lea dat vuosttaš bargovásáhus ja dat lea maid buorre vuohki beassat bargoeallimii, Ávvir lea dása čohkken rávvagiid maid leat gávdnan feara gos.

Go leat vuosttaš háve barggus, de soitet muhtin áššit maid it leat vuos jurddašan.

 

Dá leat ráđit dutnje gii leat álgime geassebargui:

  • Bargoaddis lea geatnegasvuohta dahkat duinna čálálaš bargošiehtadusa- vaikko makkár barggus leat. Bargošiehtadusas galgá boahtit ovdán bargoáigi, bálká ja eretcealkinmearri.
     
  •  Don galggat beassat diehtit goas ja man olu galggat bargat.
     
  • Jus barggat badjeláiggi,de galga dutnje máksot badjeláiggimáksu.
     
  • Don galggat oažžut oahpaheami dan bargui maid galggat bargat. Don galggat oahppat movt bargu galgá dahkkot, dat lea dehálaš du healsui ja sihkkarvuhtii.
     
  • Lea gáibádus ahte oažžut unnimusát ovtta bottu jus bargoáigi lea badjel 5,5 diimmu.
     
  • Vaikko dus ii leat bargošiehtadus, de ii mearkkaš dat ahte leat áibbas rivttiid hagá. Bargobirasláhka suddje du rivttiid ja geatnegasvuođaid, vaikko mo livčče.
     
  • Bargis leat maid geatnegasvuođat, nu go váikkuhit buori bargobirrásii. Lea dehálaš ahte buohkat váldet ovddasvástádusa iežas bargodillái ja muitalit hovdii jus juoga orro boastut.
     
  • Lea dehálaš ahte čuovut mielde barggát eanet go ovcci diimmu, it ge oaččo máksot badjeláiggimávssu.
     
  • Muitte bivdit loahppaduođaštusa go gearggat geassebarggus. Das galgá boahtit ovdán makkár barggu leat bargan makkár áigodagas.

 

Unnimusát 130 ruvnno diibmui

Don guhte leat nuorra soaittát jurddašit, man olu galggat oažžut diibmobálkán geassebarggus.

Váldoorganisašuvdna YS oavvilda ahte bargit geat leat badjel 18 jagi boarrásat berrejit oažžut unnimusát 130 ruvnno diibmobálkán, čállá Avisa Nordland.

Bálká skuvlaohppiide ja nuoraide vuollel 18 jagi ii berre leat eanet go 10-30 proseantta unnit go dat bálká go maid sii geat leat badjel 18 jagi ožžot, muhto dat lea iešalddis bargoaddi duohken, oaivvilda YS.

 

-Almmuhus-