-Almmuhus-
-Almmuhus-
-Almmuhus-
OĐĐASATGalgá njihtan 370 000 ruvnno

Galgá njihtan 370 000 ruvnno

-

-

Muhtun nissonolmmoš Sis-Finnmárkkus lea áššáskuhtton go galgá njihtan alcces ruđa oappástis, geasa nisu lei veahkkeáittar.

Muhtun guđatlohkái ahkásaš nissonolmmoš Sis-Finnmárkkus lea áššáskuhtton Sis-Finnmárkku diggegottis go galgá roavvát njihtan alcces ruđa.

Son lei veahkkeáittardeaddji iežas oabbái, ja gaskkal juovlamánu 2013 ja borgemánu 2014 galgá son sirdán alcces ja iežas villjii ruđaid oappástis kontos. Guđa háve galgá sirdán ruđa, oktiibuot 370 000 ruvnno.

 

Ii lean šiehtadus

Ruhtasirdimii ii galgga ožžon dohkkeheami juogo šiehtadusa bokte dahje veahkkeáittardeaddjieiseválddiin.

Nissonolmmoš lea áššáskuhtton ráŋggáštuslága vuođul.

Gillájeaddji lea bivdán áššáskuhttima, dat lea maid gáibiduvvon lágas, almmolašvuođa ákkaid dihte. Áššáskuhttimis boahtá ovdan ahte boahtá gáibiduvvot buhtadus.

Ášši gieđahallojuvvo Sis-Finnmárkku diggegottis geassemánu 19. beaivvi.

-Almmuhus-