Eanandoallo- ja biebmodepartemeanta mearrida boahtte vahkku mielde guoddalit go Hålogalándda Lágamánnerievtti duomu Jovsset Ánte Sara áššis Alimusriektái.
Eanandoallo- ja biebmodepartemeanta mearrida boahtte vahkku mielde guoddalit go Hålogalándda Lágamánnerievtti duomu Jovsset Ánte Sara áššis Alimusriektái.
Nuorra boazosápmelaš Jovsset Ánte Sara lágastii stádain Hålogalándda Lágamánnerievttis, ođđajagemánus dán jagi, gos son vuittii.
Áigemearri boahtte vahkku
Áigemearri guoddalit Lágamánnerievtti duomu Alimusriektái lea boahtte vahkku loahpas (vahkku 17).
Eanandoallo- ja biebmodepartemeanttas dieđihit odne ahte sin árvvoštallan guoddalit go vai ii, almmuhuvvo ovdal go guoddalanáigemearri nohká.
Lágamánneriekti gávnnahii ahte Eanandoallo- ja biebmodepartemeantta mearrádus, man dahke njukčamánu 10. beaivvi 2014, mas gohččo Jovsset Ánte Sara geahpedit ealu 75 heggii njukčamánu 15. beaivvi rádjai 2015:s, ii leat gustovaš go mearrádus mielddisbuktá ahte rihkkot Sara vuoigatvuođa doaimmahit iežas kultuvrra nu mo SP artihkkal 27 cealká.
Nu hilggui lágamánneriekti departemeantta guoddaleami ja čuovvolii Sis-Finnmárkku diggegotti duomu.
