-Almmuhus-
OĐĐASATGilosaš njágáin vuittii 15 000,-

Gilosaš njágáin vuittii 15 000,-

-

-

John Rikard Mienna rohttii njága mii dettii 10 994 grámma ja beasai máhcastit 15000 ruvnno ruhtabursii go vulggii oaggungilvvus Suohpatjávrris odne.

Guovdageainnu faláštallansearvi lágidii odne oaggungilvvu Suohpatjávrris, lulábealde Guovdageainnu márkanbáikki.

 

Unnimus guolli

Unnimus guliin bođii maid vuoitu. Dan gottii ges Simon Tivilov. Guliin mii dettii 21 grámma vuittii 7500 ruvnno.

 

Vuittii biilla

Stuorámus vuoittuid sáhtii loattain dahje bileahtain oaggungilvui vuoitit. Nuorra Guovdageainnu nieida, Ina Marie Logjes lei odne buoremus vuoitolihkku. Son beassá dál vuojašišgoahtit ođđa biillain; Peugeot 308 SW.

 

Vuittii 75 000 ruvnno

Nubbin stuorámus vuoitu maid loattain sáhtii vuoitit lei 75 000 ruvdno. Dan vuittii guovdageaidnulaš Håkon Isak Vars.

 


 

-Almmuhus-