Duopmu celko boahtte vahkku.
Duopmu celko boahtte vahkku.
Duopmu Jovsset Ánte Sara áššis galggai celkot odne.
Hålogalándda Lágamánnerievtti áššemeannudeaddji Cecilie Kaknes dieđiha dál ahte cealkin maŋiduvvo boahtte vahkkui.
Ášši duopmárat leat dikkis odne olles beaivvi, eai ge sáhte kommenteret manne ášši lea maŋiduvvon.
Guoddalanášši Hålogalándda Lágamánnerievttis
Jovsset Ánte Sara deaivvadii stádain Hålogalándda Lágamánnerievttis, ođđajagemánu dán jagi.
Sis-Finnmárkku diggegoddi fámohuhtii Eanandoallo- ja biepmodepartemeantta njukčamánu 10. beaivvi mearrádusa, mas gáibiduvvui Jovsset Ánte Sara siiddaoasis geahpidit boazologu.
Dál lea Hålogalándda Lágamánneriekti meannudeame stáhta guoddaleami.
Gáibidii guoddalanášši hilgojuvvot
Jovsset Ánte Sara advokáhtta Trond Biti gáibidii Lágamánnerievtti guoddalanášši hilgojuvvot.
Stáhta advokáhtta gáibidii stáhta mearrádusa bisuhuvvot, stáhta áššehuvvat ja ahte stáhta máksá áššegoluid sihke diggegotti ja Lágamánnerievtti diggevuoruid ovddas.
