Áššáiduhtton dievdu dohkkeha biddjojuvvot rájusgiddagassii

Njealját-lohkái dievdu váldui gitta ja áššáiduhttojuvvui go nisu gávdnui jápmán ovtta priváhta orrunbáikkis lulábealde Háršttáka.

– Dievdu lea áššáiduhtton roavva rumašbahádagus mas jápmin lei boađus, muitala leansmánni ja doaibmi regiovdnajođiheaddji Ørjan Munkvold til NTBii. Politiijat eai lihco ahte áššáiduhttin sáhttá viiddiduvvot goddimii.

Munkvold duođašta ahte lea bearašlaš oktavuohta dan guovtti gaskkas, muhto ii áiggo dutkama dihte lagabui dan čilget.

Nordlys áviissa dieđuid mielde galgá leat dat jápmán nisu dan áššáiduhtton dievddu eadni.

Kriposis bivdán veahki

Duorastaga eahket manne politiijat orrunbáikái Fauskevågas olggobealde Hárstták. Go politiijat jovde ovttas ambulánsabargiiguin báikái, de jođánit gávnnahedje ahte nisu lei jápmán. Áššáiduhtton dievdu lei orrunbáikkis ja váldui gitta dramatihka haga.

– Mis lea buorre obbalašgovva mii lea dáhpahuvvon, muhto leat bivdán veahki Kriposis, geat bohtet kvalitehta sihkkarastet min barggu.

Bearjadaga čuovganeapmái leat čađahan gažademiid sis geat ledje báikkis ja ránnjáin. Viesus galget leamaš eará olbmot, muhto sii eai vihtanuššan dáhpáhusa.

Jaskes ránnjágoddi

Ránnját muitalit Harstad Tidende ahte tragediija lea fáhttehállan bearrašii mat eai lean mihtilmasat jaskes ránnjágottis.

– Lea šohkka midjiide buohkaide, muhto dieđusge vel vearrát bearrašii. Dat lea juoga maid ii oktage vuordde, lohká Rita Steinbakk.

(NTB)