Okta 19-jahkásaš dievdu lea áššáskuhtton roavva veagalváldima dihte, Romssas. Politiijat leat ohcame guokte eará dievddu geat maid galgaba guoskevaččat áššái.
Okta 19-jahkásaš dievdu lea áššáskuhtton roavva veagalváldima dihte, Romssas. Politiijat leat ohcame guokte eará dievddu geat maid galgaba guoskevaččat áššái.
19-jahkásaš dievdu lea áššáskuhtton go galgá veagalváldán dieđuheamis nissonolbmo. Dáhpáhus galgá geavvan geassemánus diibmá, Romssas.
Politiijat leat maid ohcame guokte eará dievddu. Nordlys aviissa dieđuid mielde galget dat golmmas veagalváldán nissonolbmo vuoruid mielde. Nissonolmmoš lei dieđuheapme gárrenvuođa dihte.
Eai gávnna guoktása
Dievdu lea čohkán háldogiddagasas dan rájes go politiijat válde su gitta. Politiijat eat leat fáhten dan guokte eará gitta, ja leat ohcalan sudno sihke Interpol ja Europol čađa. Politiijaid dieđuid mielde galgaba soai leahkit Kenyas.
— Eaba leat vel dihtton, ja eat leat ožžon dieđuid juste gos soai leaba. Lea jáhkehahtti ahte leaba ruovtturiikkas Kenyas, logai politiijaadvokáhtta Frode Stock Nordlys aviisii skábmamánus.
19-jahkásaš lea čilgen ahte son ii lean mielde veagalváldimis, ja ii lohkan iežas galgat dubmehallat.
Ášši galgá Davvi-Romssa diggegoddái cuoŋománu 19. ja 20. beivviid. ©NTB
