-Almmuhus-
-Almmuhus-
-Almmuhus-
OĐĐASATJáhkkimis ii válljejuvvo presideantaevttohassan

Jáhkkimis ii válljejuvvo presideantaevttohassan

-

-

Lávvardaga doallá Bargiidbellodat (Bb) liige sámepolitihkalaš konferánssa, gos jáhkkimis válljejit Ronny Wilhelmsena presideantaevttohassan. Dálá presideanta Vibeke Larsen imašta dán.

– Mun oainnán ahte munnje ii leat luohttámuš. Muđuid in dovdda dárbbu lohkat maidege ovdal čoahkkima, lohká hui behtton Vibeke Larsen NRK Sápmái.

 

– Ártet

Larsen lea doaibman sámediggepresideantan birrasiid mánu, Ronny Wilhelmsen ges várrepresideantan, dan rájes go Sámedikki dievasčoahkkin ovddidii eahpeluohttámuša Aili Keskitaloi ja gomihii su ráđi.

Dál doaibmá son vuordimis presideantan čakčii, muhto lea hui behtton go iežas bellodat ii doarjjo su.

– Mu mielas lea dat ártet, lohká son.

 

Evttohit Wilhelmsena

Skábmamánus diibmá válljejuvvui Helga Pedersen Bb presideantaevttohassan, Wilhelmsen ges várrepresideantaevttohassan. 

Pedersen goittot ge geassádii evttohassan, maŋŋil go Bb sámedikkejoavku ii jeagadan su go geahččalii gieldit sin rivvemis fámu NSR:s. 

Danne šaddá ge bellodat dál válljet ođđa presideantaevttohasa, dat dáhpáhuvvá liige sámepolitihkalaš konferánssas Leavnnjas lávvardaga.

Vuossárgga lei válgalávdegottis čoahkkin, gos mearridedje evttohit Ronny Wilhelmsena presideantaevttohassan, ja deatnolačča Elisabeth Erke ges várrepresideantaevttohassan.

 

Ovdal válgalávdegotti čoahkkima ledje dieđihuvvon vihtta evttohasa viđa válgabiires:

Elisabeth Erke, Nuortaguovllu válgabiires, Kåre Olli, Ávjovári válgabiires, Ronny Wilhelmsen, Davveguovllu válgabiires, Vibeke Larsen, Viesttarmeara válgabiires ja John Kappfjell, Lullisámi válgabiires.

-Almmuhus-