Dássážii dán jagi leat 907 olbmo váidon go NAV jáhkká sin alcceseaset dájuhan oadjoruđaid. Navdimis lea NAV máksán 187 milliuvnna ruvnnu giellásiidda.
Dássážii dán jagi leat 907 olbmo váidon go NAV jáhkká sin alcceseaset dájuhan oadjoruđaid. Navdimis lea NAV máksán 187 milliuvnna ruvnnu giellásiidda.
Eatnašat geat leat váidon galget leat dájuhan alcceseaset beaiveruđaid vaikke leat barggus.
Oktiibuot galgá NAV máksán 83,6 milliuvnna ruvnnu beaiveruhtan 563 olbmuid geain dattege lea dienas.
– Lea hui duođalaš go olbmot dájuhit alcceseaset oadjoruđaid mat leat oaivvilduvvon sidjiide geat duođas dárbbašit ruđaid, lohká bargo- ja čálgodirektevra Sigrun Vågeng NTB ođasdoaimmahahkii.
Giddagasráŋggáštus
Sii geat leat váidon galget alcceseaset dájuhan bargonávccahisvuođaruđaid, buohcanruđaid ja mánáidruđaid.
Muhtimat leat maid dieđihan iežaset oktofuolaheaddjin ja earát leat dájuhan alcceseaset ruđaid go orrot olgoriikkas.
Logi stuorámus ášši ruhtaárvu lea 16,6 milliuvnna ruvnnu.
Sii geat dájuhit alcceseaset eanet go 1G submi (birrasii 90.000 ruvnnu) sáhttet dubmehallat giddagassii, dasa lassin šaddet ruđaid máhcahit NAV:i.
